A SITUACIÓN DA ESCOLA PÚBLICA É PREOCUPANTE. É MOMENTO DE IMPLICARNOS.
As ANPAS que formamos parte da Federación provincial de ANPAs da Coruña, queremos trasladar ás familias a nosa preocupación pola situación actual da escola pública. Os centros educativos levan tempo alertando dunha realidade que xa non se pode ignorar: falta de recursos, falta de persoal e carencias en infraestruturas que afectan directamente ao día a día do alumnado.
Reclamamos que as necesidades do alumnado se atendan pola súa complexidade real, non por baremos administrativos.
Non son casos illados. Non é unha percepción. É a realidade diaria. É una situación xeneralizada que está a dificultar unha atención educativa de calidade, inclusiva e segura. Pode ser que o noso centro non se vexa afectado por todas estas carencias, pero hoxe son outros e mañá será o noso centro.
Principais dificultades dos centros educativos na provincia da Coruña
📌 Falta de profesorado e persoal non docente
📌 Atención insuficiente ao alumnado con necesidades específicas
📌 Centros deteriorados, con problemas de accesibilidade, limpeza e seguridade
📌 Familias e profesorado asumindo responsabilidades que corresponden á Administración.
Un chamamento ás familias
A mellora da escola pública require a implicación de todas e todos. A participación das familias é clave para facer visible esta realidade e para esixir solucións que garantan os dereitos do alumnado.
Informarse, participar e colaborar como comunidade educativa é fundamental para avanzar.
Esta loita non é só das ANPAS, nin só do profesorado. É de todas as familias que cren na escola pública.
Non pedimos privilexios. Pedimos dereitos.
Pola escola pública. Pola inclusión real. Pola dignidade dos centros.
Polos dereitos do alumnado.