Comedor
O Comedor Escolar é un servizo que ofrece o centro para contribuír á organización da vida familiar cun obxectivo educativo; o comedor escolar deberá proporcionar a consolidación dos hábitos de saúde e hixiene que xa se veñan desenvolvendo no ámbito familiar, ademáis de traballar outros valores como a solidariedade, a cooperación e a tolerancia. Por todos estes motivos, fíxanse unha serie de obxectivos e normas que marcan as actuacións de todos os que interveñen no servizo do Comedor Escolar.
Dentro dos servizos do Comedor Escolar está o servizo de Mañanceiros, para atender ás crianzas que precisan de coidado antes do comezo do horario lectivo. Neste horario existe a posibilidade de almorzar no comedor.
É obrigatorio pertencer á ANPA para facer uso dos servizos de comedor e madrugadores.
Información básica
No CEIP San Francisco Xabier traballamos coa empresa Jardanay, responsable do servizo de Comedor e Mañanceiros. Esta empresa foi a seleccionada pola ANPA baixo criterios que teñen en conta a calidade do servizo e da comida.
Novas do comedor
Neste apartado atoparás as novas relativas ao servizo de comedor e mañanceiros
Contacto e información:
981 126 627/ 600 056 904 (Horario: de 8:00h a 18:00h)
Menéndez Pelayo 12, 1º Izda, A Coruña, A Coruña 15005, España
Comedor
Horario de 14.50 a 16.00:
- Menusal
- Fixo descontinuo: días fixos á semana.
- Espóradico: días soltos.
Madrugadores
Con dúas modalidades
- Con almorzo: horario de 07.30h a 8.30 h
- Sen almorzo: horario de 07.30h a 8.45h
Cambiadores
Con este servizo, destinado ao alumnado de Educación Infantil, o persoal de Jardanay desprazarase ao centro escolar para cambiar ao neno ou nena se fose necesario. O horario de atención é o horario lectivo (durante as clases), madrugadores e comedor.
Forma de pago
Sempre mediante domiciliación bancaria, entre os días 10 e 20 de cada mes. A ausencia e non utilización do comedor/servizos de madrugadores non exime do pagamento da taxa.
Alerxias e intolerancias
É imprescindible cubrir o formulario web e achegar a documentación requirida. Enviarase un correo electrónico de confirmación autorizando a incorporación.
Preguntas frecuentes
A alta para o servizo de comedor faise desde a web de Jardanay; introducir o usuario e contrasinal indicados no díptico.
Unha vez dentro da zona privada, os diferentes formularios aparecerán na parte esquerda da pantalla. No caso de querer solicitar máis dun servizo ou para máis dun neno ou nena, deberase encher e enviar un formulario por cada un deles de cada vez. Se o formulario está correctamente rexistrado, recibirase unha copia da solicitude ao correo electrónico.
É requisito indispensable ser socio do Anpa. Podes facer clic en ASOCIATE e seguir os pasos
As novas altas, baixas ou modificacións sobre a alta inicial poderanse realizar na web ata o día 26 do mes en curso e faranse efectivas unicamente a partir do día 1 do mes seguinte. Non terán efecto as altas, baixas ou modificacións comunicadas fóra de prazo nin con defectos de forma. É imprescindible achegar o xustificante de pago de cota da ANPA ao realizar as inscricións
Se o formulario está correctamente rexistrado, recibirase unha copia da solicitude ao correo electrónico. No caso de altas ou modificación de días no comedor, recibirase adicionalmente un segundo mail confirmando a praza. Nestes dous supostos, é imprescindible contar con este mail de confirmación para facer uso dos servizos. Non é necesario o mail de confirmación para o resto de supostos (madrugadores, baixa do servizo, etc).
Para facer uso do servizo de comedor de forma esporádica con carácter previo ao uso do servizo haberá que estar rexistrado como usuario de maneira esporádica e ser socio do anpa. Cando se queira acudir ao servizo haberá que avisar ao teléfono do coordinador ou mediante correo electrónico o día anterior a facer uso do servizo. Para o servizo de madrugadores de forma esporádica sen almorzo deberá estar tamén rexistrado pero en casos urxentes non é necesaria a comunicación previa.
O servizo de comedor e madrugadores empeza o primeiro día de colexio para todos os cursos excepto para 4 infantil que comezará o primeiro día de xornada completa (finalizado o período de adaptación)